Zer behar duzu - becasuniversidad

Zer behar duzu

Beka honen onuradun izateko baldintza batzuk bete behar dituzu. Horietako batzuk orokorrak dira; beste batzuk, berriz, akademikoak eta ekonomikoak.

Baldintza orokorrak

✔ Bai zu bai zure familia-unitatea Nafarroan erroldaturik egotea eta Nafarroan bizitzea, gutxienez ere 2025eko urtarrilaren 1etik, eta baldintza hori betetzen jarraitzea beka eskatzen denean.

✔ 2025. urtean Nafarroako PFEZaren zergadun izatea.

✔ Hezkuntzako eta Lanbide Heziketako Ministerioaren beka eskatu izana, 2026-2027 ikasturterako, horretarako eskatzen diren baldintzak betetzen badituzu. Zalantzarik baduzu, eska ezazu.

Zure eskabidean zure kontura bizi zarela adierazten baduzu, egiaztatu beharko duzu baliabide ekonomiko aski dituzula eta erosiriko edo alokaturiko etxe baten titularra zarela.
GOGOAN IZAN: ikasturtean zehar familiarekin ez bizitzeak ez du esan nahi zure kontura bizi zarela.
Nafarroako administrazioarekiko zerga betebeharrak egunean izatea. Hortaz, kitatu gabeko betebehar fiskalak badituzu, beka ukatuko zaizu.

Baldintza akademikoak

Graduko 1. mailan

  • 60 kreditutan matrikulatzea. Gutxienez 30 kreditutan matrikulatzen bazara, beka izan ahalko duzu, baina muga eta baldintza bereziekin.

 

 

 

 

Graduko 2. eta goragoko ikasmailetan

  • Aurreko ikasturtean matrikulaturiko kredituen % 80a gainditua izatea. Zure gradua Zientziak, Ingeniaritzako edo Arkitekturako adarretakoa bada, aurreko ikasturtean matrikulaturiko kredituen % 65a gainditua izatea.
  • Gradu bikoitza egiten ari bazara eta titulazioak adar berekoak ez badira, bietatik eskakizun txikieneko titulaziorako ezarritako ehunekoa gainditua izatea.

Masterreko 1. mailan

  • 60 kreditutan matrikulatzea. Gutxienez 30 kreditutan matrikulatzen bazara, beka izan ahalko duzu, baina muga eta baldintza bereziekin.

 

Masterreko 2. maila

  • Zure ikasketa-plana osatzeko falta zaizkizun kredituetan matrikulatzea.
  • Aurreko ikasturtean matrikulaturiko kredituen % 100 gaindituak izatea.

Beka mugatua izaten ahal da honako kasu hauetan:

  • Matrikula partziala.
  • Ikasketa ez-presentzialak.
  • 25 edo 45 urtetik gorakoak unibertsitatean sartzeko prestakuntza ikastaroa.
Zure kasuari buruzko zalantzarik baduzu, hauetako bat egiten ahal duzu:
- Kontsultatu deialdiaren “Baldintza akademikoak” atal osoa
- Telefono hauetara deitu: 848 427 144, 848 433 446, 848 426 020, 848 426 058
- Zure kontsulta becas.universitarias@navarra.es helbidera bidali

Baldintza ekonomikoak

BAI, beka jasotzeko eskubidea duzu

  • Zure familia-errenta tarteen barruan badago eta deialdian ezarritako ondare adierazleak gainditzen ez badituzu. Beka emateko kontuan hartzen den errenta muga (tartea) familia-unitateko kideen araberakoa da. 
  • Bekaren kopurua handiagoa edo txikiagoa izanen da zure familia-errentaren arabera, beste faktore batzuen artean. Horrela bermatzen da aurreko urtean diru-sarrera txikienak izan zituztenek laguntza handiagoa jasotzea.

 EZ, ez duzu beka jasotzeko eskubiderik

  • Errentaren mugak edo tarteak gainditzen badira. 
  • Kapital higiezinaren etekin garbiak eta familia-unitatearen ondare irabaziak 2.159 euro baino handiagoak izan badira.
  • Familia-unitateko kide konputagarrien hiri-finken katastro-balioen baturak ezin izanen du gainditu 108.966 euroko kantitatea, kenduta, hala badagokio, Nafarroako Foru Komunitatean dagoen etxebizitza baten katastro-balioa.
  • Jarduera ekonomikoen edo entitateetan parte-hartzeagatik diru-sarrerak ezin dira 449.746 euro baino handiagoak izan.
  • Zure kontura bizi zarela adierazten baduzu, gutxienez 3.793 euro jasotzen dituzula egiaztatu beharko duzu.

KIDE KOPURUA

ERRENTA TARTEAK, EUROTAN

1. TARTEA

2. TARTEA

 3. TARTEA

 4. TARTEA

1

9.300

12.182

14.511

16.103

2

18.599

24.364

29.021

32.207

3

27.899

36.546

43.532

48.312

4

37.199

48.729

58.041

64.415

5

46.498

60.911

72.552

80.519

6

55.798

73.093

87.062

96.622

7

65.098

85.275

101.577

112.724

8

74.397

97.457

116.092

128.827

Hortik gorako
kide bakoitzeko

7.680

10.058

11.980

13.296

 

Familia-errentak 4. tarteko kopuruak gainditzen baditu, ez duzu beka jasotzeko eskubiderik izanen.