Beka nola eskatu

EPEAK

Letra lodian adierazten da 2026-2027ko deialdia zein fasean dagoen

Prozeduraren fasea	Epea
Deialdia argitaratzea eta eskaerak aurekezteko epea	2026ko urriaren 6ko NAOn argitaratua Epea irekita: urriaren 7tik azaroaren 6ra Eskabideak aurkezteko epea amaitu da
Eskaeren balorazioa	Azarotik otsailera bitarte
Ukatutako eskaeren behin-behineko ebazpena	2027ko otsailaren bigarren astea
Alegazioak aurkezteko epea	10 egun baliodun, navarra.es atarian behin-behineko ebazpena argitaratu eta biharamunetik
Ukatutako eskaeren behin betiko ebazpena	2027ko martxoaren bigarren astea
Emandako eskaeren ebazpena eta ordainketa	2027ko ekainaren erdian

INTERNET BIDEZ

Tramitea hasi baino lehen, egiaztatu behar dituzu baldintzak betetzen dituzula.
Kontsultatu zein dokumentu beharko dituzun. Zure datuak eskuratzeko baimena ematen baduzu, ez duzu zenbait dokumentu aurkeztu beharrik izanen.
Sartu tramitazio telematikorako aplikazioan. Horretarako, cl@ve kredentziala, ziurtagiri digitala edo NAN elektronikoa beharko duzu.
Arretaz irakurri jarraibideak, bete inprimakia eta erantsi dokumentazioa.

ADI: eskaera behar bezala bidalitakoan, egiaztagiri bat jasoko duzu posta elektronikoz. Jasotzen ez baduzu, horrek esan nahi du zure eskaera "zirriborro" moduan jarraitzen duela, aurkeztu gabe. Hala bada, berriro sartu eta zure eskaera bidali epea amaitu baino lehen.

JAKINARAZPEN ELEKTRONIKOAK

Beka eskatu ondoren, jakinarazpenak modu elektronikoz jasoko dituzu.
Adi egon jakinarazpen horiei.
Mezuak igorriko zaizkizu posta elektronikoaren bidez, dokumentazioa eskatzeko edo abisuren baten berri emateko.

Zure beka, urrats gutxi batzuetan

Beka eskatzen duzunetik dirua jasotzen duzun arte prozedura bat dago, urrats gutxi batzuk dituena.
Ezagutu prozesua.

Aurkeztu beharreko dokumentuak

Eskabidea betetzeaz gain, zenbait dokumentu aurkeztu beharko dituzu egiaztatzeko zein den zure egoera familiarra (familia ugaria, gurasobakarreko familia, norbere kontura bizi...), ekonomikoa eta akademikoa.

Gainera, eskatzen duzun laguntza motaren arabera beste dokumentu batzuk ere aurkeztu beharko dituzu.

GOGOAN IZAN: datuen kontsulta baimentzen baduzu, ez duzu aurkeztu beharko dokumentu horietako asko.