Beka nola eskatu

EPEAK

Beka epearen barruan eskatu behar duzu: 2023ko irailaren 18tik urriaren 18 arte.

Ez utzi azken egunerako, beharbada dokumenturen bat prestatzeko denbora beharko duzulako.

INTERNET BIDEZ

Tramitea hasi baino lehen, egiaztatu behar dituzu baldintzak betetzen dituzula.
Kontsultatu zein dokumentu beharko dituzun. Zure datuak eskuratzeko baimena ematen baduzu, ez duzu zenbait dokumentu aurkeztu beharrik izanen
Sartu tramitazio telematikorako aplikazioan. Horretarako, cl@ve kredentziala, ziurtagiri digitala edo NAN elektronikoa beharko duzu.
Arretaz irakurri jarraibideak, bete inprimakia eta erantsi dokumentazioa

JAKINARAZPEN ELEKTRONIKOAK

Beka eskatu ondoren, jakinarazpenak modu elektronikoz jasoko dituzu.
Adi egon jakinarazpen horiei. Mezuak igorriko zaizkizu posta elektronikoaren bidez, dokumentazioa eskatzeko edo abisuren baten berri emateko.

Zure beka, urrats gutxi batzuetan

Beka eskatzen duzunetik dirua jasotzen duzun arte prozedura bat dago, urrats gutxi batzuk dituena. Ezagutu prozesua.

Aurkeztu beharreko dokumentuak

Eskabidea betetzeaz gain, zenbait dokumentu aurkeztu beharko dituzu egiaztatzeko zein den zure egoera familiarra (familia ugaria, gurasobakarra, norbere kontura bizi...), ekonomikoa eta akademikoa.

Gainera, eskatzen duzun laguntzaren arabera beste dokumentu batzuk ere aurkeztu beharko dituzu.

GOGOAN IZAN: datuen kontsulta baimentzen baduzu, ez duzu aurkeztu beharko dokumentu horietako asko.